काठमाडौं । बैतडीको सिगास गाउँपालिका नजिक सडकको छेउमा बेवारिसे झोलामा एक लाख रुपैयाँ, पाँच लाख ४० हजार रुपैयाँको चेक र अन्य प्रमाणपत्रहरु भेटिएको छ ।
मंगलबार बझाङबाट धनगढी जाने क्रममा जयपृथ्वी नगरपालिका बझाङका मेयर वीरेन्द्र खडकाको टोलीले बेवारिसे झोलामा उक्त रकम भेटाएको हो । उक्त झोला भित्र बझाङको साविकको देउलीकोट गाविस ५ का राइभान बोहराका २४ वर्षीय छोरा बसन्त बोहराको नागरिकता पनि भेटिएको मेयर खडकाले जानकारी दिनुभयो ।
सडकको छेउमै कालो झोला खसेको देख्दा बसको छतबाट खसेको हुनसक्ने भन्दै झोला समातेको तर खोलेर हेर्दा उक्त रकम र नागरिकताका प्रमाणपत्र भेटिएको उहाँको भनाइ छ । यो समाचार नयाँ पत्रिको अनलाइनमा प्रकाशित भएको छ ।
बसन्त बोहरालाई चिन्ने जो कोहीले जयपृथ्वी नगरपालिकाका स्वास्थ्य शाखा प्रमुख जनक बहादुर सिंहको मोवाइल नम्बर ९८४८४३६१३८ र मेयर खडका मोवाइल नम्बर ९७४११९५७२५मा सम्पर्क गर्न आग्रह गर्नुभएको छ ।
२०७६ साउन २२ गते प्रकाशित
वि.सं.२०७६ साउन २२ बुधवार १२:५२ मा प्रकाशित
