काठमाण्डौं । १३ औं महाधिवेशनमा महामन्त्री पदमा हारेका युवा नेता गगन थापालाई कांग्रेस सभापति शेरबहादुर देउवाले आकर्षक पदको प्रस्ताव राखेका छन् ।
आज कार्यभार सम्हाल्न लागेका देउवाले गगनलाई केन्द्रीय सदस्यमा नियुक्त गर्नुका साथै पार्टी प्रवक्ताको प्रस्ताव गरेको कांग्रेस सम्बद्ध स्रोतले जनाएको छ । देउवाले गगनसहित ७ जनालाई आजै केन्द्रीय सदस्यमा नियुक्त गर्दैछन् ।
शशांक कोइराला एवं अर्जुननरसिंह केसीसँगै महामन्त्रीमा उठेका गगनले हारेपछि उनलाई देउवाले पार्टी प्रवक्ता बन्न प्रस्ताव गरेका हुन् । यद्यपी पार्टी प्रवक्तामा अर्का नेता प्रकाश शरण महतको नाम पनि चर्चामा रहेको देउवा निकटस्थ बताउँछन् ।
३ चैत २०७२, १.००
वि.सं.२०७२ चैत ३ बुधवार १३:५६ मा प्रकाशित
