काठमाण्डौं । नेको इन्स्योरेन्सको साधारणसभाले वोनस सेयर दिन् प्रस्ताव पारित गर्दै हकप्रद सेयरलाई पनि अनुमोदन गरेको छ । सभाले १५ प्रतिशत बोनस सेयर प्रदान गर्ने प्रस्ताव पारित गरेको हो ।
आज एक विज्ञप्ति जारी गर्दै आफ्नो सभाले वोनस सेयर वितरणपछि कायम हुने पुँजीमा एक बराबर अर्को एकको अनुपातमा हकप्रद सेयर दिने प्रस्ताव पनि अनुमोदन गरेको जानकारी दिएको छ । साधारणसभाले अर्को भातृ संस्था स्थापना गर्ने प्रस्ताव पनि अनुमोदन गरेको छ भने यसको अख्तियारी सञ्चालक समितिले पाएको छ ।
एक अर्ब चुक्ता पुँजी पुर्याउने योजनामा लागेको कम्पनीको वोनस र हकप्रदपछि पुँजी ६४ करोड ८० लाख रुपैयाँ पुग्ने बताइएकोछ ।
१४ चैत, २०७२, ११.३०
वि.सं.२०७२ चैत १४ आइतवार ११:४९ मा प्रकाशित
