काठमाडौं । खानेपानी तथा सरसफाई मन्त्री प्रेमबहादुर सिंह बुधबार विहानै नागर्जुन नगरपालिका–१३ स्थित स्युचाटारका सडक र गल्लिमा फालिएका फोहार टिप्दै कुचो लिएर सडकमा निस्कँदा स्थानीयको भीड पनि मन्त्रीकै पछि पछि लस्करै देखिन्थे ।
स्थानीयबासीकै रुपमा अनौपचारिक पोसाकमा स्वास्थ्य राज्यमन्त्री मोहम्मद अफ्ताक आलम र खानेपानी तथा सरसफाई उपभोक्ता महासंघका अध्यक्ष राजेन्द्र अर्याल पनि कुचो लिएर सडक तर्फ निस्किएका थिए । मन्त्रीको पछि पछि देखिएका स्थानीय बासी, महिला तथा बालबालिका घर आँगन सफा राखौं–सभ्य समाज निर्माण गरौं, हाम्रो नागर्जुन, राम्रो नागर्जुन भन्दै डष्टविन र कुचो लिएर निस्किए । टोल वरपर सडकमा देखिएका फोहोर संकलन गर्दै अव आइन्दा जथाभावी फोहोर नफाल्न सचेत गराए ।
१०६ औं श्रमिक महिला दिवसको अवसरलाई सामाजिक सभ्यताको रुपमा मनाउन लागिएको भन्दै तारकेश्वर खानेपानी तथा सरसफाई उपभोक्त समितिले सरसफाई अभियान शुरु गरेको हो ।
सो अभियानको शुभारम्भ गर्दै मन्त्री सिंहले नेपालको संविधान ३५(४) ले प्रत्येक नागरिकलाई स्वच्छ खानेपानीको हक हुने भन्ने संवैधानिक अधिकार दिएको बताउँदै रचनात्मक र राम्रो कामको प्रशंसा गरे । मन्त्री सिंहले राम्रो काममा निरन्तरता दिन आग्रह गर्दै तारकेश्वर खानेपानीका निम्ति आवश्यक पर्ने सहयोगको लिखित निवेदन दिन आग्रह गरे । सिंहले भने तत्काल आवश्यक के हो र दिर्घ कालिन रुपमा आवश्यक के पर्छ लिखित रुपमा दिनुस् नेपाल सरकारको तर्फ बाट गर्न सक्ने सम्पुर्ण काम गर्ने बाचा गर्दछु ।
सो अवसरमा स्वास्थ्य राज्मन्त्री आलमले आफु क्वाटरमा नबसी स्थानीयसंगै घुलमिल भएर स्युचाटारकै घरमा बसेको बताउँदै आफ्नो टोलमा स्वच्छ खानेपानीका निम्ति बजेट व्यवस्था गरिदिन मन्त्री समक्ष आग्रह गरे ।
सो अवसरमा खानेपानी तथा सरसफाई उपभोक्त महासंघका केन्द्रिय अध्यक्ष राजेन्द्र अर्यालले खानेपानीको अभावमा वार्षिक दुई अर्वको क्षेति हुन्छ भने सरसफाईको अभावमा तथ्यांकले देखाएको बताए । पानी भन्दा पनि सरसफाई महत्वपुर्ण विषय भएको बताउँदै अर्यालले यस्तो अभियानहरुले निरनतरता पाउनु पर्ने बताए ।
कार्यक्रममा उपभोक्त समितिका कार्यवहाक अध्यक्ष कृष्णहरि खत्रीले समितिको पहिलो काम स्वच्छ खानेपाली वितरण भए पनि संगसंगै जोडिएर आउने सरसफाईलाई छुट्याएर हेर्न नसकिने बताए । खत्रीले स्वस्थ र शिक्षित नागरिक विना समृद्ध देशको कल्पना गर्न नसक्ने बताउँदै विरामीको जड भनेको फोहोर र दुषित खानेपानी भएको बताए ।
कार्यवाहक अध्यक्ष खत्रीले तारकेश्वर खानेपानी उपभोक्ता समितिले बोरिङबाट ९ सय घर धुरीलाई खाने पानी वितरण गर्दै आएको बताउँदै बाँकी ४ सय घर धुरीलाई अझै वितरण गर्न नसकेको बताए । बोरिङको पानी घट्दै गइरहेकोले मेलम्चीको पानी स्युचाटारसम्म पठाइदिन मनत्री समक्ष अनुरोध गरे ।
खत्रीले तत्कालका लागि २ करोड ५ लाख रकम उपलव्ध गराइदिन अनुरोध गर्दै स्थानीयलाइई साक्षि राखेर मन्त्रीलाई ज्ञापन पत्र समेत हस्तान्तरण गरेका छन् ।
२६ फागुन २०७२ / १२:४४
वि.सं.२०७२ फागुन २६ बुधवार १३:०० मा प्रकाशित
