back
mega bank Ad
Hero Ad

सरकारी औषधी उद्योग घाटामा, निजी नाफामा ?

काठमाडौँ । देशभर दर्ता भएका ५३ निजी औषधी उद्योग मध्ये ४५ वटा संचालनमा छन्  । संचालनमा आएका सबै उद्योग नाफामा छन्, तर सरकारको प्रत्यक्ष स्वामित्वमा रहेका उद्योगहरु भने यतिबेला धरासाही अवस्थामा पुगेका छन् ।

२०६० सालसम्म १२० किसिमका औषधिहरु अत्पादन गर्दै आएको नेपाल औषधि (तत्कालिन शाही औषधि) लिमिटेड अहिले दुई किसिमका उत्पादनमा सीमित भएको छ । १२० किसिमका औषधि उत्पादन गर्ने कम्पनीले अहिले डिस्टिल वाटर र ग्लिसिरिन मात्र उत्पादन गरिरहेको छ ।

बैशाख १२ मा गएको भुकम्पपछि चार महिना बन्द भएको कम्पनीसँग रहेका ७० प्रतिशत मेसिन तथा उपकरणहरु अझै पनि काम लाग्ने अवस्थामा छन् । कुनै बेला नाफामा रहेको कम्पनीलाई सरकारकै अर्को निकायले तगारो लगाएकाले सबै उत्पादन बन्द गर्नुपर्ने अवस्थामा पुगेको हो ।

नियामक निकाय औषधि व्यवस्था विभागले फ्याक्ट्री सञ्चालनका लागि आवश्यक कच्चा पदार्थ ल्याउन अनुज्ञापत्र नदिएका कारण उत्पादन रोकिएको कम्पनीका योजना प्रमुख दिनेश भट्टराई बताउँछन् ।

यता निजी क्षेत्रबाट सञ्चालित करिव ४५ वटा औषधि उद्योगहरु भने जम्मै नाफामा छन् । चलेका उद्योगहरुलाई आवश्यक कच्चा पदार्थ ल्याउन अप्ठेरो पनि छैन ।

नेपाल औषधि लिमिटेडलाई बन्द गर्ने अवस्थामा पुग्दा तात्कालिन उद्योग मन्त्री कर्णवहादुर थापा आफैँ सक्रिय भएर औषधि लिमिटेड सरकारले नै सञ्चालन गर्ने निर्णय गराएका थिए ।

तत्कालिन मन्त्रीपरिषदले नेपाल औषधि लिमिटेड संचालनका लागि उद्योग मन्त्रालयका उपसचिव दिपक घिमिरेको संयोजकत्वमा कुन मोडालिटिमा सञ्चालन गर्न सकिन्छ भनेर प्रतिवेदन पेश गर्न  निर्देशन दिएको थियो ।

बिज्ञ सम्मिलित यो समितिले विश्व स्वास्थ्य संगठनको मापदण्डमा आधारित गुड म्यानिफ्याक्चरिङ प्राक्टिस (जिएमपि) मा आधारित भएर सञ्चालन गर्न सकिने प्रतिवेदन दियो ।

जिएमपि विश्व स्वास्थ्य संगठनले मान्यता दिएको बस्तु उत्पादन गर्ने मापदण्ड हो । यसले गुणस्तरीय मापदण्ड अनुसार  उत्पादन र नियन्त्रण छ कि छैन भन्ने कुराको सुनिश्चितता गर्दछ ।

समितिको प्रतिवेदनले संस्थानको व्ययभार कम गर्न आधा कर्मचारी घटाउने र सानो आकारमा अत्याधुनिक प्रविधियुक्त प्रयोगशालाको प्रयोग गरेर औषधि उत्पादन गर्न सकिने निष्कर्ष सहितको प्रतिवेदन बुझाएको थियो ।

प्रतिवेदनको सुझाव अनुसार गत असार महिनामा एक सय पचास कर्मचारिलाई स्वेच्छिक अवकास मार्फत हटाएको थियो ।

नेपाल औषधि लिमिटेडले अहिलेको अवस्थामा उत्पादन सुचारु गर्न अर्थ मन्त्रालयसँग सञ्चालन गर्नका लागि १४ करोड ५६ लाख रुपैयाँ माग गरेको छ । यो रकम उपलब्ध भयो भने ट्यावलेट, क्याप्सुल, लिक्वीड मेडिसिन र जीवनजल उत्पादन गर्ने लक्ष रहेको जनाइएको छ ।

‘बजेट निकासा भएको १२ महिना भित्र उत्पादन सुरु गरिसक्ने गरी हामीले कार्ययोजना बनाएका छौँ ।’ नेपाल औषधि लिमिटेडका कामु महाप्रवन्धक रमेशकुमार महतोले भने ‘पहिलो तीन महिनामा चार करोडको उत्पादन गर्ने र १२ महिनामा ८४ करोडको औषधि उत्पादन गर्नेछौँ ।’

Bizmandu/ प्रकाशित मिति १५ माघ २०७२/१०:४१

वि.सं.२०७२ माघ १५ शुक्रवार १०:४७ मा प्रकाशित

You can share this post!

आज थप दुई कम्पनीको लाभांश घोषणा, कुनको बोनस र नगद कति ?

आज थप दुई कम्पनीको लाभांश घोषणा, कुनको बोनस र नगद कति ?

वि.सं.२०७९ मंसिर १६ शुक्रवार १९:१७

काठमाडौं । आज थप दुई कम्पनीहरुले लाभांश घोषणा गरेका छन्...

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

वि.सं.२०७९ मंसिर १६ शुक्रवार १९:०७

काठमाडौं । कम्पनीलाई आइपीओमा लैजाने प्रस्ताव पारित गर्दै आइएमईको २२औँ...

शैक्षिक अवस्था बुझ्न नगरपालिकाको टाेली कक्षा कोठामा

शैक्षिक अवस्था बुझ्न नगरपालिकाको टाेली कक्षा कोठामा

वि.सं.२०७९ मंसिर १६ शुक्रवार १७:२१

हेमन्त केसी सुर्खेत  । मंगलबार जाजरकोट नलगाड नगरपालिकाका नगरप्रमुख डम्मर...

पैसा नभएको चेक दिने पक्राउ, ३० लाख रुपैंया  जरिवाना र १० दिन कैद हुने

पैसा नभएको चेक दिने पक्राउ, ३० लाख रुपैंया जरिवाना र १० दिन कैद हुने

वि.सं.२०७९ मंसिर १६ शुक्रवार १७:१४

काठमाडौं । बैंकिङ कसुर मुद्दाका फरार प्रतिवादी  पक्राउ परेका छन् ।...

जुम्ला विमानस्थलमा बेहोस भेटिएका युवकको मृत्यु

जुम्ला विमानस्थलमा बेहोस भेटिएका युवकको मृत्यु

वि.सं.२०७९ मंसिर १६ शुक्रवार १५:५२

जुम्ला । जुम्ला विमानस्थलमा बेहोस अवस्थामा भेटिएका कैलाली घर भएका...

गरिमा  बैंकको गरिमा डिजिटल बटुवामा अब नेपालपे क्यूआर उपलब्ध

गरिमा बैंकको गरिमा डिजिटल बटुवामा अब नेपालपे क्यूआर उपलब्ध

वि.सं.२०७९ मंसिर १६ शुक्रवार १५:४१

काठमाडौं । गरिमा विकास बैंक लिमिटेडको मोबाईल बैकिङ्ग बाट अब...