काठमाण्डौं । हिजो मंगलबार ७८ वर्षको उमेरमा निधन भएका नेपाली काँग्रेसका सभापति एवम् पूर्व प्रधानमन्त्री सुशील कोइरालाको राजकीय सम्मानका साथ आज बुधवार अन्त्येष्टि गरिँदैछ भने उनलाई भतिज अतुल कोइरालाले दागबत्ती दिने भएका छन् ।
कोइरालाको अन्त्येष्टि राजकीय सम्मानका साथ पशुपति आर्यघाटमा हिन्दू परम्पराअनुसार गरिने छ। रंगशालामा राखिएको उनको पार्थिव शरीरलाई हिजो भारतीय विदेशमन्त्री सुष्मा स्वराजको टोलीले श्रद्धाञ्जली दिएको थियो भने आज भुटानका गृह तथा सांस्कृतिक मन्त्री दावा ग्याल्छेनले श्रद्धाञ्जलि दिएका छन् ।
बिहानैदेखि कोइरालाप्रति नेता, कार्यकर्ता तथा सुभेच्छुकहरुले श्रद्धाञ्जली अर्पण गरिरहेका छन्। आज अपराह्न २ बजेसम्म श्रद्धाञ्जलीका लागि राखिने र त्यसपछि दशरथ रंगशालाबाट थापाथली, रामशाहपथ, कमलपोखरी, ज्ञानेश्वर, रातोपुल, गौशाला हुँदै आर्यघाटसम्म शवयात्राको रुट सरकारले तय गरेको छ।
कोइरालालाई विद्यतुतीय शवदायह गृहमा जलाइने भनिएता पनि परिवारले नमानेपछि दाउराको चितामा नै उनको पार्थिव शरीरलाई भतिजा अतुलले दागबत्ती दिने भएकाछन् ।
उनको निधनमा सरकारले आज सार्वजनिक विदा दिएको छ भने कांग्रेसले १३ दिन कुनै पनि कार्यक्रम नगर्ने भएको छ ।
माघ २७, २०७२, १०.००
वि.सं.२०७२ माघ २७ बुधवार ११:५२ मा प्रकाशित
