काठमाण्डौं । टाटा मोटर्सको नेपालस्थित आधिकारिक बिक्रेता सिप्रदी ट्रेडिङ प्रालिले टाटाको नयाँ पिकअप टाटा एस मेगा नेपाली बजारमा ल्याएको छ। एक टन पेलोड क्षमताको यो गाडी नेपाली बजारका लागि अत्यन्तै उपयोगी हुने कम्पनीले जनाएको छ।
यो गाडीमा ९० केएमपिएचको उत्कृष्ट स्पिड क्षमता रहेको छ। यसले सहज तरिकाले धेरै ट्रिप दिन सक्छ । यो पिकअपले प्रति लिटर २०.६ किलोमिटर माइलेज दिने कम्पनीले दावी गरेको छ।
यो गाडी सानो पिकअप सेग्मेन्ट अन्तर्गत सबैभन्दा कम मूल्य १३ लाख ५५ हजार रुपैयाँको रहेको सिप्रदीले जनाएकोछ । साथै, कम्पनीले टाटा एस मेगा पिकअप खरीदमा एक वर्षको फुल इन्स्योरेन्स र एक आर्थिक वर्षको कर पनि तिरिदिने छ। डिजेल इन्जिनमा उपलब्ध यो पिकअप सेतो र निलो रङमा उपलब्ध हुने कम्पनीले जनाएको छ।
टाटा एस मेगाको औपचारिक लन्च कार्यक्रममा सप्रदी ट्रेडिङका सिइओ शम्भुप्रसाद दाहालले यो पिकअप नेपालको बाटो र माटो दुवै सुहाउँदो भएको बताए।
६ फागुन २०७२, १२.००
वि.सं.२०७२ फागुन ६ बिहीवार १२:३९ मा प्रकाशित
