काठमाण्डौं । नेपालका लागि टोयोटा गाडीको आधिकारीक विक्रेता युनाइटेड ट्रेड सिण्डिकेटले टोयोटा ड्रिम कार आर्ट कन्टेस्ट अन्तर्गतको स्थानीय प्रतियोगिताको बिजेतालाई पुरस्कार वितरण गरेको छ।
वैद्यज अर्गनाइजेशन इन्डष्ट्रिज एण्ड ट्रेडिंग हाउसेजमा आयोजित कार्यक्रममा विजेतालाई पुरस्कार र प्रमाणपत्र वितरण गरिएको कम्पनीले जनाएको छ।
टोयोटाले सामाजिक योगदान पहलको रुपमा सन २००४ देखि टोयोटा सपनाको कार चित्रकला प्रतियोगिता गर्दै आएको छ। सन २०१५ मा विश्वका विभिन्न क्षेत्रका ८१ मुलुकबाट झण्डै आठलाख ७५ हजार भन्दा बढि आवेदनहरु प्राप्त भएका थिए । जसमा नेपालको चित्र उत्कृष्ट ३० भित्र पर्न सफल भएको कम्पनीले जनाएको छ।
तीनवटा भागमा विभाजन गरिएको प्रतियोगिताका सबै विजेतालाई नगद पुरस्कार वितरण गरिएको छ। प्रथम हुनेलाई पाँच हजार, द्वितीय हुनेलाई तीन हजार र तृतीय हुनेलाई दुईहजार रुपैयाँ पुरस्कार दिइएको कम्पनीले जनाएको छ।
१७ फागुन २०७२, ११.००
वि.सं.२०७२ फागुन १७ सोमवार ११:४३ मा प्रकाशित
