काठमाण्डौं । बलिउडका चर्चित र्यापर तथा पाश्र्व गायक बादशाह आउँदो फागू पूणिर्मामा काठमाण्डौ आउने भएका छन् । उनले यस पटक आफ्ना फ्यानहरुसँग रङ खेल्दै उनीहरुलाई नचाउने भएका हुन् ।
नाजी इन्टरटेन्मेन्टको मुख्य आयोजना र युहान इन्टरनेशनल इभेन्टस्को सह(आयोजनामा हुने ‘बादशाह लाईभ इन नेपाल’ म्युजिक कन्सर्टमा उनी नेपाली प्रशंसक माझ प्रस्तुत हुने भएका छन् ।
‘डिजेबाले बाबु, अभि तो पार्टी सुरु हुई हे, अक्कड बक्कड बम्बे बो, आज रातका सिन बनाले’ जस्टा हिट गीतका गायक वादशाहले नेपाली दर्शकलाई नचाउने भएका छन् । उनी चैत्र ९ गते नेपाल आउन लागेको जानकारी आयोजकले दिएको छ । बिहान १० बजेदेखि बेलुका ४ सम्म ‘बादशाह लाईभ इन नेपाल’ कन्सर्ट आयोजना गरिने आयोजक नासिर हुसेनले जानकारी गराए ।
कार्यक्रममा सहभागी हुनका लागि ३ हजार रुपैयाँ मूल्यको भीआइपी टिकट र एक हजार रुपैयाँको प्लाटिनियम टिकटको व्यबस्था गरिएको छ ।
प्रकाशितः २०७२ फाल्गुन २५
वि.सं.२०७२ फागुन २५ मंगलवार १५:५६ मा प्रकाशित
