काठमाण्डौं । मंगलबार इजिप्टको अलेक्जेन्ड्रियाबाट कायरो गइरहेको इजिप्ट एयरको विमान अपहरण गर्ने ब्यक्ति आतंकवादी नभएको बीबीसीले जनाएका छ ।
साइप्रसमा रहेकी आफ्नी पूर्वपत्नीलाई भेट्नका लागि इब्राहिम साहाना नामका व्यक्तिले विमान अपहरण गरको बताइएको छ। साइप्रसमा विमान अवतरण भइसकेपछि उनले अधिकारीहरूसँग पूर्वपत्नीलाई भेट्न दिनुपर्ने माग राखेका थिए । इजिप्टको विदेश मन्त्रालयले उनी आतंकवादी नभई मुर्ख भएको बताएको छ।
६३ यात्रु बोकेर एयर इजिप्टको जहाज अलेक्जेन्ड्रियाबाट राजधानी कायरो जाँदै गर्दा अपहरणमा परेको थियो भने वार्ता गर्दै साहानीले पहिला महिला तथा बालबालिकाहरुलाई छोडेका थिए । पछि भने उनले सबैलाई छाड्दै आफूलाई पूर्वपत्नीसँग भेट्न दिनुपर्ने माग राखेका थिए ।
१६ चैत २०७२, ३.००
वि.सं.२०७२ चैत १६ मंगलवार १५:३७ मा प्रकाशित
