भक्तपुर । एमाओवादीका प्रवक्ता दिनानाथ शर्माले वर्तमान सरकारको काम कारवाही प्रभाबकारी नभए पनि सरकार परिवर्तनको कुरा हल्ला मात्र भएको बताएका छन् ।
रफत सञ्चार क्लबले बुधबार आयोजना गरेको साक्षत्कार कार्यक्रममा बोल्दै उनले भने “सरकारले जनताको हितमा काम गर्न सकेन” ।
वर्तमान सरकारको काम कछुवाको गति जस्तै अगाडि बढेको प्रवक्ता शर्माले बताए ।
शर्माले भने काँग्रेसको महाधिबेशन पश्चात सरकार परिवर्तनको बिषय हल्ला मात्र हो, “यहि सरकारलाई राष्ट्रिय सरकारको स्वरुप प्रदान गर्दै काँग्रेसलाई समेत सरकारमा सामेल गराउन शिर्ष नेताहरु लागिपरेको उनको भनाइ थियो ।
मधेश आन्दोलनका जायज मागहरुको सम्बोधन नगरे स्थानिय निकायको निर्वाचन असफल हुने प्रवक्ता शर्माले बताए ।
प्रवक्ता शर्माले नेपाल सरकारका प्रधानमन्त्रीको चीन भ्रमणमा गरिएको सम्झौताहरुको कार्यान्वयनमा जटिलता देखिएको बताए ।
विगतदेखि नै सरकारले बनाएको योजनामा हुने भागबन्डा र कमिशनको खेलकै कारण हरेक योजना सफल हुन नसकेकाले सरकारले यता तर्फ ध्यान दिनु पर्नेमा उनले जोड दिएका छन् ।
१७ चैत २०७२ / ४ : ५२
वि.सं.२०७२ चैत १७ बुधवार १७:०० मा प्रकाशित
