काठमाण्डौं । ग्याँस बिक्रेता महासंघ नेपालले झुट्टा मुद्धामा विक्रेता पक्राउ गर्ने काम नरोकिए ग्यास बिक्री नगर्ने चेतावनी दिँदै ग्याँस बिक्रीका क्रममा बेथिती बढेको र अनाहकमा गल्ती नगर्नेलाई प्रहरीले दुःख दिएको बताउँदै ग्याँस कानूनको माग गरेका छन् ।
महासंघको टोलीले हिजो बुधवार गृहमन्त्री शक्ति बस्नेतलाई भेटेर प्रहरी प्रशासनबाट व्यवसायीलाई झुट्टा मुद्धा पक्राउ गर्ने काम भएको भन्दै यस्तो श्रृंखला नरोकिए ग्यास बिक्री रोक्ने चेतावनी पनि दिएका छन् ।
महासंघका अध्यक्ष ज्ञानेश्वर अर्यालका अनुसार गल्ती नगर्नेलाई समेत प्रहरीले इवी साँध्न पक्राउ गर्न थालेपछि उनीहरुले यस्तो चेतावनी दिएका हुन् । उनले चार दशकदेखि ग्यासको कारोबार भएपनि कानुन नआउनु दुःखद भएको बताउँदै कानुनको अभावमा वेथिती बढेको पनि बताए ।
१८ चैत २०७२, ८.००
वि.सं.२०७२ चैत १८ बिहीवार १०:०९ मा प्रकाशित
