काठमाण्डौं । अवैधानिक रुपमा काम गरेको अभियोगमा पक्राउ परेर मलेसियाका जेलमा बन्दी जीवन बिताइरहेका सयौं नेपाली राजदूतावास तथा बिभिन्न संघसंस्थाको पहलमा स्वदेश फर्किएका छन् ।
यसै क्रममा मंगलबार मात्रै १८ जना नेपालीलाई उद्दार गरी नेपाल पठाईएको छ ।
वैदेशिक रोजगार प्रबर्धन वोर्डको सहयोगमा नेपाली राजदूतावासको पहलमा निःशुल्क हवाई टिकट उपलब्ध गराई उनीहरुको उद्दार गरिएको हो ।
लामो समयदेखि मलेसियाको वुकितजलिल क्याम्पमा रहेका उनीहरुमध्ये केहि परिवारको सम्पर्कमा समेत नरहेको र केहीको आर्थिक अवस्था अत्यन्त नाजुक भएकोले निःशुल्क हवाई टिकट उपलब्ध गराईएको दूतावासले जनाएको छ ।
मंगलवार नेपाल र्फकनेहरुमा सर्लाहिका भिमवहादुर घलान र सिगलाल वाईवा, चितवनका अरविन्द्र चौधरी र सुरेश लामा, दाङका कृष्णवहादुर चन्द र गहेन्द्र हमाल, नुवाकोटका प्रेमवहादुर तामाङ र गणेशवहादुर तामाङ रहेका छन् ।
यसैगरी उदयपुरका अमरवहादुर विक, वाग्लुङका होमवहादुर पुन, मोरगका अमरवहादुर खड्का, तेह्थुमका चेतन लिम्वु, सिन्धुपाल्चोकका छिरिङ तामाङ, सुनसरीका अनिल थेवे, दार्चुलाका राकेशवहादुर चन्द, रुपन्देहिका भिमसेन चौधरी र रोल्पाका मुमानसिं घर्तीमगर रहेका छन ।
प्रकाशितः २०७२ चैत्र २४
वि.सं.२०७२ चैत २४ बुधवार १०:५० मा प्रकाशित
