केरला । भारतको केरलास्थित पारावुरमा रहेको पुट्टिंगल देवी मन्दिरमा आज बिहान ४ बजे भएको आगलागीमा परी मृत्यु हुनेको संख्या १०२ पुगेको छ।
कोल्लमबाट २५ किलोमिटर दूरीमा रहेको पारावुरस्थित उक्त मन्दिरमा आगलागी हुँदा मेला लागिरहेको थियो भने १५ सयदेखि २ हजार मानिस उक्त समयमा उपस्थित रहेका थिए । आगलागीमा परी अहिलेसम्म १०२ जनाको मृत्यु भएको बीबीसीले जनाएको छ। आगलागीमा परी २०० भन्दा बढी व्यक्ति घाइते भएका छन्।
विहान ४ बजेवाट सुरु भएको आगलागी झन्डै तीन घन्टापछि ७ बजे नियन्त्रणमा आएको थियो। विहान ३ बजेपछि मन्दिर छेउमा आतशबाजी भएको थियो। आतशबाजीको क्रममा एउटा झिल्को नयाँ वर्ष उत्सवका लागि पड्काउन जम्मा गरेर राखिएका अर्कै फायर क्र्याकर्समा सल्कन पुगेपछि केही मिनेटमै मन्दिर परिसरका आगो दन्कन थालेको थियो ।
२८ चैत २०७२, १०.००
वि.सं.२०७२ चैत २८ आइतवार १३:०६ मा प्रकाशित
