काठमाण्डौं । नयाँ बर्ष २०७३ लाई ‘घुमफिर बर्ष’ का रुपमा मनाइने भएको छ । नेपाल पर्यटन बोर्डले ‘नयाँ बर्ष घुम्ने हर्ष’ भन्ने नाराका साथ घुमफिर बर्ष मनाउन लागेको हिजो जानकारी दिएकोछ ।
कार्यक्रममा वर्ष २०७२ नेपाल र पर्यटन क्षेत्रको नै दुःखद वर्ष रहेको हुँदा अबको वर्षलाई आन्तरिक पर्यटनमा जोड दिइने जानकारी दिइएको थियो । सानो प्रयासबाट ठूलो प्रभाव पार्नका लागि आन्तरिक पर्यटन घुमफिर वर्षका रुपमा वर्ष २०७३ लाई केन्द्रित गरिने पनि कर्याक्रममा बताइएको थियो ।
कार्यक्रममा सहभागी सबैले नयाँ बर्षमा आफु जान चाहने पर्यटकीय स्थलको नाम लेखोका थिए । त्यसमा सवैभन्दा बढी सुदुरपश्चिमको नाम आएको थियो ।
३० चैत २०७२, ९.००
वि.सं.२०७२ चैत ३० मंगलवार ११:५५ मा प्रकाशित
