काठमाण्डौं । सरकारले पाँच विकास क्षेत्रका मुख्य सहरमा विषादी मापन यन्त्र राख्ने भएको छ । एउटा यन्त्रको रु ८ लासम्म पर्ने यस्तो मेसिन पोखरा, विराटनगर, नेपालगञ्ज, धनगढी र नारायणगढमा राख्न लागिएको हो ।
बाली संरक्षण निर्देशनालयका मेसिन खरीदका लागि बोलपत्र आवह्वान गरिएको छ । आगामी १ हप्तामा सम्पूर्ण आवेदनकको मूल्यांकन गरी एउटा मेसिन खरिदका लागि छनौंट गरिने भएको छ ।
पछिल्लो समय तरकारीमा विषादीको मात्रा अत्याधिक देखिएपछि सरकारले यस्तो कदम चाल्ने निर्णय गरेको थियो । हाल काठमाडौंको कालिमाटीमा विषादी मापन यन्त्र राखिएको छ ।
बैशाख १२, २०७३, १२।००
वि.सं.२०७३ वैशाख १२ आइतवार १५:४२ मा प्रकाशित
