डोल्पा । चर्चित फिल्म ‘क्याराभान’ का नायक थिन्ले लोन्डुप को निधन भएको छ। माथिल्लो डोल्पाका अगुवा समाजसेवी समेत रहेका थिन्लेको हिजो आइतबार निधन भएको हो।
घोडामा डोल्पा सदरमुकाम दुनैबाट छिप्का जाँदै गर्दा थिन्लेको घोडालाई खच्चडले धक्का दिएपछि उनी घोडासँगै लडेका थिए।
घोडाको घटनास्थलमै मृत्यु भए पनि थिन्ले जिवितै थिए। केही पर्यटकले उनलाई लडेको देखेपछि छिप्का ल्याएका थिए। उपचारको लागि हेलिकप्टरमा काठमाडौं ल्याउने तयारी हुँदै गर्दा साँझ साढे ५ बजेतिर थिन्लेको निधन भयो ।
उनी विश्वचर्चित चलचित्र हिमालयन क्याराभानमा गरेको जीवन्त अभिनय बाट चर्चित बनेका हुन्। यो चलचित्र माथिल्लो डोल्पाको जीवनशैलीमा आधारित रहेर फ्रान्सेली चलचित्र निर्देशक एरिक भ्याली ले निर्माण गरेका थिए।
१३ बैशाख २०७३, ८।००
वि.सं.२०७३ वैशाख १३ सोमवार १०:३५ मा प्रकाशित
