काठमाण्डौं । नेप्से परिसूचकले सोमबार १४६१ अंक पार गरेर फेर नयाँ रेकर्ड कायम गरेको छ । बाणिज्य बैंक समूह चम्किदै गएपछि बजारले हरेक दिन नयाँ रेकर्ड कायम गरेको हो । रेकर्ड सँगै बाणिज्य, विकास बैंक र इन्स्योरेन्स समूहको सूचकहरु पनि आकाशिएका छन् ।
५० करोड रुपैयाँको सेयर कारोबार भएको बाणिज्य बैंक समूहको सूचक आज सोमबार ७.६५ अंकले उक्लियो । नेपाल बंगलादेश बैंक र ग्लोबल आइएमईको सेयर कारोबार सर्वाधिक करिब ६ करोड रुपैयाँको दरले भयो । स्ट्याण्डर्ड चार्टर्ड बैंक, एनएमबी, एनआईसी एशिया, नेपाल बैंक, सानिमा, सिटिजन्स र नबिल बैंकको कारोबार पनि धेरै भयो । यी सबै बैंकको सेयर मूल्य बढेको कारण बजार उकालो चढेको हो ।
१३ बैशाख २०७३, ३.३०
वि.सं.२०७३ वैशाख १३ सोमवार १६:०२ मा प्रकाशित
