टोकियो । जापानको टोकियोमा यही मे १ तारिखका दिन आयोजना गर्न लागिएको म्युजिक मेलाको तयारी अन्तिम चरणमा पुगेको छ ।
मिडिया म्यासेज प्रालि जापानको तेस्रो वार्षिक उत्सवको अवसरमा मे १ तारिख आइतबार म्युजिक मेलाको आयोजना गर्न लागिएको हो ।
म्युजिक मेलाको सम्पुर्ण तयारी अन्तिम चरणमा पुगेको कार्यक्रम संयोजक तथा मिडिया म्यासेज प्रा.लि.का प्रबन्ध निर्देशक नविन निउरेले जानकारी दिए ।
म्युजिक मेलाका लागि नेपालबाट चर्चित कलाकारहरु सुगम पोखरेल, सम्झना लामिछाने मगर, र्यापर निर्णय ’एनएसके’, सहिमा श्रेष्ठ, नविन पौडेल जापान आउँदैछन् । साथै हाँस्य कलाकार कुमार श्रेष्ठ फर्सिलाल को समेत विशेष प्रस्तुती रहनेछ । कलाकारहरु प्रस्तुतकिा लागि जापान प्रस्थान गर्दैछन् ।
कार्यक्रम मे १ तारिखमा टोकियोस्थित ओता सिटी हल इकेगामी खाइकानमा हुनेछ । मे १ तारिख बेलुका ४ बजेदेखि सुरु हुने म्युजिक मेलामा सहभागी हुन सम्पूर्ण जापानबासी नेपालीहरुमा प्रा.लिले अनुरोध गरेको छ । कार्यक्रमको जापानका लागि कार्यवाहक नेपाली राजदुत गेहेन्द्रबहादुर राजभण्डारीले उद्घाटन गर्नेछन् ।
म्युजिक मेलाका टिकटहरु जापानको टोकियोका विभिन्न स्थानमा टिकट विक्री भइरहेको निउरेले जानकारी दिए । मिडिया म्यासेज प्रालिद्वारा सञ्चालीत नेपाल सन्देश डटकम जापानमा रहेका नेपालहिरुका बीचमा लोकप्रिय रहेको छ ।
प्रकाशितः २०७३ वैशाख १७
वि.सं.२०७३ वैशाख १७ शुक्रवार १०:१३ मा प्रकाशित
