काठमाण्डौं । जलविद्युत् लगानी तथा विकास कम्पनी (एचआइडिसिएल)ले सेयर वाँडफाँड गरेको करिव चार महिनापछि प्रमाणपत्र वितरणको काम सुरु गरेको छ । सेयरधनीले प्रमाणपत्र लिन वाँडफाँडपत्रसँगै नागरिकताको प्रतिलिपी पनि लैजानु पर्छ । सेयर भरेकै ठाउँबाट प्रमाणपत्र वितरणको काम भइरहेको छ ।
वाँडफाँड गरेको लामो समयपछि कम्पनीले आज सोमबारबाटै प्रमाणपत्र वितरण सुरु गरेको हो । कम्पनीले दुई अर्ब रुपैयाँको साधारण सेयर निष्काशन गरेको थियो। त्यसमा साढे २१ गुणा बढी अर्थात ४३ अर्ब रुपैयाँको आवेदन परेको थियो।
कम्पनीको सेयरका लागि न्युनतम ५० कित्तादेखि ८० कित्तासम्म आवेदन दिनेले जनही १० कित्ता पाएका थिए । ९० देखि ५०० कित्तासम्म भर्नेले ११.४ प्रतिशतका दरले र त्यसमाथि आवेदन दिनेले २.९ प्रतिशतका दरले सेयर पाएका थिए ।
यो हिसाबले १०० कित्ता भर्नेले १२ कित्ता पाएका थिए भने ५०० कित्ता भर्नेले ५६ कित्ता पाएका छन्। त्योभन्दा माथि भर्नेले २.९ प्रतिशतका दरले सेयर पाएका थिए ।
२७ बैशाख २०७३, १०.००
वि.सं.२०७३ वैशाख २७ सोमवार १२:०२ मा प्रकाशित
