काठमाण्डौं । रिडी हाइड्रो पावर डेभलपमेन्ट कम्पनीको आजदेखि हकप्रद सेयर बिक्री खुला भएको छ। १० बराबर ३. ५ को अनुपातमा कम्पनीको हकप्रद सेयर बिक्री खुला भएको हो।
आगामी साउन ४ गतेसम्म लगानीकर्ताहरुले आफूसँग भएको सेयरको ३५ प्रतिशत सेयरका लागि आवेदन दिन सक्ने छन्। हकप्रद निस्कासनको बिक्री प्रबन्धकको रुपमा ग्लोबल आईएमई क्यापिटल रहेको छ। इक्रा नेपालबाट कम्पनीको हकप्रद निस्कासनले ग्रेड ४ रेटिङ प्राप्त छ।
हाल कम्पनीको चुक्ता पुँजी ३३ करोड रुपैयाँ रहेको छ। सो रकमको ३५ प्रतिशत अर्थात ११ करोड ५५ लाख रुपैयाँको हकप्रद सेयर निस्कासन हुन लागेको हो।
कम्पनीले रिडीखोला आयोजनाबाट विद्युत उत्पादन गरी नेपाल विद्युत प्राधिकरणलाई बिक्री गर्दै आइरहेको छ।
प्रकाशितः २०७३ असार १
वि.सं.२०७३ असार १ बुधवार ११:०३ मा प्रकाशित