काठमाडौं । काठमाडौं महानगरको आम्दानी यस वर्ष घटेको छ । गत वर्षको आम्दानी २ अर्व ६ करोड ९४ लाख ५७ हजार रहेको थियो । यो वर्ष १ अर्ब ७० करोड ८३ लाख ७४ हजार रुपैयाँ छ । यो गत वर्षको आम्दानी भन्दा १७ दशमलव ५४ प्रतिशतले कमि हो ।
महानगर राजस्व विभागका अनुसार समग्रमा १७ प्रतिशतले आम्दनी घटेको हो । आन्तरिक आम्दानी बढेपनि सरकारी अनुदान घटेकोले समग्रमा महानगरको आम्दानी घटेको हो । सरकारी अनुदान गत वर्षको भन्दा ४२ प्रतिशतले घट्दा आम्दानीमा असर देखिएको हो । आन्तरिक आम्दनीभने गत वर्षको भन्दा बढेको छ । आन्तरिक आम्दानी गत वर्ष १ अर्ब ११ करोड ९९ लाख थियो यो वर्ष बढेर १ अर्ब २६ करोड ७३ हजार रुपैयाँ पुगेको छ । यो वृद्धि ३ दशमलव ३८ प्रतिशत हो ।
प्रकाशितः २०७३ साउन ४
वि.सं.२०७३ साउन ४ मंगलवार ११:२३ मा प्रकाशित
