काठमाण्डौं । स्वास्थ्य क्षेत्रको बेथिती बिरुद्ध पटक पटक अनसन बसेका प्राध्यापक डा. गोबिन्द केसी बाढी पीडितको उपचारका लागि शनिवार सप्तरी पुगेका छन् ।
स्थानीय उद्योग वाणिज्य संघको समन्वयमा सप्तरी आएका डा।केसीले गत साउन ७–८ गतेको बाढीवाट अति प्रभावित तिलाठी गाबिसमा शनिवार बिहानैदेखि बाढीपीडित बिरामीको परीक्षणमा जुटेका हुन् ।
बाढीका कारण तिलाठी लगायत जिल्लाका दक्षिणवर्ती गाबिसहरुमा रोगको प्रकोप बढीरहेको र सरकारी सतरवाट बाढीपीडितहरुले स्वास्थ्य सेवा प्रभावकारी रुपमा नपाईरहेको अबस्थामा डा. केसी विरामीको उपचारका लागि सप्तरी गएका हुन् ।
‘एउटा नेपाली पीडामा भएका बेला मैले आफूसित भएको ज्ञानले सेवा गर्नुपर्छ भन्ने भावनाले सो स्थानमा आएको हुु डा. केसीले भने,’एक नेपाली दुखमा पर्दा अर्को नेपालीले सहयोग गर्नुपर्छ भन्ने भावनाको बिकास हुनुपर्छ ।’
प्रकाशितः २०७३ साउन २२
वि.सं.२०७३ साउन २२ शनिवार १६:५३ मा प्रकाशित
