ललितपुर । जावलाखेलदेखि पाटनसम्मको सडकमा हुँदै आएको दुवै लेनको पार्किङ्गलाई आजदेखि ट्राफिक प्रहरीले हटाएको छ।
सवारी आवागमनलाई सहज व्यवस्थापन गर्न पार्किङ हटाइएको महानगरीय ट्राफिक प्रहरी परिसर सातदोबाटोका प्रहरी निरीक्षक सीताराम हाछेथुलाई उद्धृत गर्दै महानगरीय ट्राफिक प्रहरीले जनाएको छ।
विगतमा पार्किङका कारण नियमित सवारी आवागमनमा समस्या भएकोले उक्त क्षेत्रको दुवै तर्फको चार पाङ्ग्रे सवारी साधनको पार्किङ हटाइएको हो। दुई पाङ्ग्रे सवारी साधन भने एक लेनमा पार्किङ्ग गर्न सकिनेछ।
२३ साउन २०७३, १।००
वि.सं.२०७३ साउन २३ आइतवार १३:३२ मा प्रकाशित
