काठमाण्डौं । कुमारी बैंकले विकास बैंक सहित चार संस्था किन्ने सम्झौता गरेको छ । यसअघि ५० प्रतिशत हकप्रद जारी गर्ने घोषणा गरिसकेको कुमारी बैंकले काष्ठमण्डप, महाकाली, काँक्रेबिहार विकास बैंक र पश्चिमाञ्चल फाइनान्सलाई एक्वायर गर्ने सम्झौता गरेको हो ।
हिजो सोमबार यस विषयमा हस्ताक्षर गरेको कुमारी बैंकले काष्ठमण्डप डेभलपमेन्ट बैंकले एक्वायर गर्न लागेका दुई कम्पनी र काक्रे विहार थपेर आफै आठ अर्ब पुँजी पुर्याउने आधार तयार गरेको हो । एक्वायरसम्बन्धी सम्झौतापत्रमा कुमारीका मर्जर कमिटी संयोजक डा. शोभाकान्त ढकाल, काष्ठमण्डपका मर्जर कमिटी संयोजक कृष्ण ज्ञवाली, महाकालीका सञ्चालक डिलाराम खरेल, काँक्रेबिहारका सञ्चालक राजकुमार गुरुङ र पश्चिमाञ्चलका सञ्चालक ज्ञानेन्द्र कसजूले आइतबार साँझ हस्ताक्षर गरेका हुन् ।
कुमारी बैंकको हाल २ अर्ब ६९ करोड रुपैंया चुक्ता पूँजी रहेकोछ । यही पुँजी बाट नै घोषणा गरेको ५० प्रतिशत हकप्रद सेयर दिनेछ । एक्वाएर पछि भने कुमारी बैंकको चुक्ता पुँजी ६ अर्ब रुपैयाँ, निक्षेप ५० अर्ब र कर्जा ४१ अर्ब रुपैयाँ पुग्ने छ ।
१८ असोज २०७३, ११।००
वि.सं.२०७३ असोज १८ मंगलवार ११:५९ मा प्रकाशित
