काठमाण्डौं । प्रभु बैंकको हिजो सोमबारबाट सुरु भएको सेयर समायोजनमा अप्ठ्यारो आएपछि नेपाल स्टक एक्सचेन्जले नेपाल राष्ट्र बैंकलाई कारोबारको सहज तुल्याउने सम्बन्धमा सम्बोधन आग्रह गरेको छ ।
ग्रान्ड बैंकसँगको मर्जर प्रक्रिया पूरा गरी एकीकृत बैंकिङ कारोबार सुरु गरेको १० महिनापछि साविकको प्रभु बैंकको मात्र सेयर कारोबार गर्न राष्ट्र बैंकले अनुमति दिएपछि सेयर समायोजनमा अप्ठ्यारो परेको भन्दै नेप्सेले राष्ट्र बैंकलाई यस्तो आग्रह गरेको हो । नेप्सेको इतिहासमा दुई कम्पनी एक भइसकेको अवस्थामा एकको मात्र सेयर कारोबार नगरेको र त्यसले सेयर समायोजनमा गाह्रो हुने भएको नेप्सेले जनाएकोछ ।
त्यसैगरी धितोपत्र बोर्डले पनि ग्रान्ड बैंकका सेयर लगानीकर्तालाई परेको असरका सम्बन्धमा प्रभु बैंकसँग जानकारी मागेको बताइएकोछ ।
१८ असोज २०७३, १।००
वि.सं.२०७३ असोज १८ मंगलवार १४:०४ मा प्रकाशित