काठमाण्डौं । माछापुच्छ्रे बैंकले ५० प्रतिशत हकप्रद निस्कानका लागि बुक क्लोजको मिति तोकेको छ । बैंकको संचालक समितिको बैठकले हकप्रद प्रयोजनका लागि कात्तिक १२ गते सेयरधनी दर्ता पुस्तिका बन्द गर्ने निर्णय गरेको हो ।
बैंकले एक अर्ब ९३ करोड रुपैयाँ बराबरको अर्थात हाल कायम पूँजीको ५० प्रतिशत हकप्रद जारी गर्नेछ । बैंकले एक करोड ९३ लाख कित्ता हकप्रद सेयर जारी गर्ने भएको छ । माछापुच्छ्रे बैंकले ५० प्रतिशत हकप्रद निष्कासनका लागि नियमनकारी निकायबाट अनुमति पाइसकेको छ । संचाल समितिको निर्णय अनुसार कात्तिक ११ गतेसम्म बैंकको सेयर खरिद गर्ने सेयरधनीले मात्र हकप्रदमा आवेदन गर्न पाउनेछन् ।
७ कार्तिक २०७३, १२।००
वि.सं.२०७३ कात्तिक ७ आइतवार १३:१८ मा प्रकाशित