काठमाडौँ । तिहारको बिदा अगाडिको साता सेयर बजार परिसूचक नेप्सेका बारे सुखद समाचार सुन्न पाईएन । यो सातामा बजार परिसूचक नेप्सेमा २२.६८ अंकको गिरावट आएको हो ।
अघिल्लो साता पनि बजार ९ अंकले ओरालो लागेको थियो। साताको अन्तिम कारोबार दिन नेप्से परिसूचक १७५९.७१ अङ्कमा पुगेको छ। सुरुका चार दिन लगातार घटेको बजार अन्तिम दिन ६ अंकले बढेको थियो।
साता भरमा १५१ कम्पनीका २३ हजार ६२६ कारोबारबाट चार अर्ब १२ करोड ४० लाख १३ हजार रुपैयाँ बराबरको ४९ लाख ३३ हजार ५७० कित्ता सेयर खरिदबिक्री भएको छ। कारोबार रकममा अघिल्लो साताको भन्दा ३७.०५ प्रतिशतले वृद्धि भएको छ ।
‘क’ वर्गका कम्पनीको कारोबार मापन गर्ने सेन्सेटिभ इन्डेक्स पहिलो दिनको तुलनामा ५.२३ अङ्कले घटेर ३८१.१५ अङ्कमा झरेको छ।
कारोबार रकमका आधारमा क्रमशःमाछापुछ्रे बैंक लि.,स्टायान्डर्ड चार्टर्ड बैंक लि.,एभरेस्ट बैंक लि.,शिखर इन्स्योरेन्स कम्पनी लि.,कुमारी बैंक लि.पाँच उत्कृष्ट कम्पनी कायम भए ।
प्रकाशित मितिः २०७३ कार्तिक १३
वि.सं.२०७३ कात्तिक १३ शनिवार १६:१५ मा प्रकाशित
