back
NMB ad

आयो लघु विद्युत्…

Kumari bank ad

लमजुङ । गोरखा भूकम्पका कारण लघु जलविद्युत् आयोजनामा क्षति पुगेपछि झन्डै १५ महिना अन्धकारमा कटाएका लमजुङका स्थानीयबासिन्दा यतिबेला निकै खुसी देखिएका छन् ।

भूकम्पले भत्काएका आयोजना क्रमशः पुनःनिर्माण तथा मर्मत हुन थालेपछि गाउँ उज्यालो बन्न थालेका छन् । अति भूकम्प प्रभावित गाविसका नागरिकलाई लक्षित गरी युएसएडले आयोजनाको मर्मतका लागि सहयोग गरेपछि पूर्वी लमजुङका गाउँ तिहारसँगै झिलिमिली  बनेका छन् ।

गोरखा भूकम्पका कारण क्षतविक्षत बनेका लमजुङका लघुजलद्यिुत् आयोजनाको यतिबेला धमाधम मर्मत हुन थालेको छ । भूकम्पका कारण अत्यधिक क्षति बनेको पूर्वी लमजुङको कोल्की, इलमपोखरी र पाचोकमा निर्माण भएर अत्यधिक क्षति पुगेका लघुजलविद्युत् आयोजनाको पुनःनिर्माण सुरु गरिएको हो ।

पूर्वी लमजुङको कोल्कीस्थित क्रि र चिल्ली खोला लघु जलविद्युत् आयोजना यतिबेला मर्मत भइरहेका छन् । युएसएडको आर्थिक सहयोगमा साझेदारी विकास परियोजनाबाट रु १० लाख र स्थानीयको रु ५० हजारमा भत्किएका लघुजलविद्युत् आयोजनाको पुनःनिर्माण गरिएको हो ।

राष्ट्रिय प्रसारण लाइन नपुगेको कोल्कीमा लघुजलविद्युत् आयोजनाबाटै स्थानीयले विद्युत्को उपयोग गर्दै आएका थिए । कोल्की–५, क्रिखोला र कोल्की–४ को चिल्लीखोला लघुजलविद्युत् आयोजनाबाट कोल्कीका १४८ घरपरिवार लाभान्वित हुँदै आएका थिए ।

त्यसैगरी इलमपोखरीका पाँच वटा लघुजलविद्युत् आयोजनामा पनि मर्मतको काम भइरहेको छ । त्यहाँका पाँच आयोजनामध्ये केहीमा मर्मत सकाएर बिजुली बाल्न थालिएको छ भने केही आयोजनामा मर्मतको कार्य भइरहेको छ । इलमपोखरी–६, मा रहेको छहरे खोला लघुजलविद्युत् आयोजनामा फलामे पोल गाडिएको छ । भत्किएको पावरहाउस पुनःनिर्माणपश्चात गाउँका ८५ घरधुरीले भूकम्प गएको १५ महिना पछि बिजुली बत्ती बाल्न थालेका छन् । गाउँमा बत्ती बल्न थालेपछि स्थानीय उत्साहित छन् ।

इलमपोखरी–४ सानोकाभ्रेमा रहेको दोस्रो पैंसे खोला लघुजलविद्युत् आयोजनामा पावर हाउस मर्मतको काम भइरहेको आयोजनाका अध्यक्ष गोपीराम गुरुङले जानकारी  दिएका छन् । सो आयोजनाबाट ११५ घरधुरी लाभान्वित हुँदै आएका छन् । यसैगरी इलमपोखरी–३, ठूलोकाभ्रेमा रहेको पहिलो पैंसे खोला लघुजलविद्युत् आयोजानमा मर्मत भइरहेको छ । पानीको मुहानमा धाँजा फाट्नुका साथै पहिरो गएर भत्किएपछि विद्युत् अवरुद्ध भए पनि मर्मतसँगै सूचारु भएको छ । इलमपोखरी–२, फुलङ्गीरीमा रहेको लाँखरखोला लघुजलविद्युत् आयोजनामा भत्किएको पावरहाउसको मर्मत भइरहेको छ । यो आयोजनाबाट गाउँका ९४ जना घरधुरी लाभान्वित हुँदै आएका छन् ।

झन्डै १५ महिनासम्म अँध्यारोमा बसेका स्थानीय विजया दशमी र दीपावली उज्यालोमा मनाउन पाएकोमा भने निकै खुसी देखिएका छन् ।

प्रकाशित मितिः २०७३ कार्तिक १५

वि.सं.२०७३ कात्तिक १५ सोमवार १२:२२ मा प्रकाशित

You can share this post!

एनसेलको सुलभ अन्तर्राष्ट्रिय डेटा रोमिङ प्याकका साथ रहनुहोस् सधैं अन, के-के छन् सुविधा ?

एनसेलको सुलभ अन्तर्राष्ट्रिय डेटा रोमिङ प्याकका साथ रहनुहोस् सधैं अन, के-के छन् सुविधा ?

वि.सं.२०८१ जेठ १७ बिहीवार ०६:३५

काठमाडौं । निजी क्षेत्रको टेलिकम्युनिकेसन सेवा प्रदायक कम्पनी एनसेलले सुलभ...

नेपालगञ्जमा यसवर्षकै बढी गर्मी   

नेपालगञ्जमा यसवर्षकै बढी गर्मी   

वि.सं.२०८१ जेठ १७ बिहीवार ०६:२१

नेपालगञ्ज, १६ जेठ : नेपालगञ्जमा बुधबार यस वर्षकै सबैभन्दा बढी...

आज १७ जेठ २०८१ बिहिवार, थाहा पाउनुहोस् आजको राशिफल

आज १७ जेठ २०८१ बिहिवार, थाहा पाउनुहोस् आजको राशिफल

वि.सं.२०८१ जेठ १७ बिहीवार ०६:१६

मेष मेष (चु, चे, चो, ला, लि, लु, ले, लो,...

पर्यटन राजधानी पोखराः अनुशासन र नैतिकताको सहर   

पर्यटन राजधानी पोखराः अनुशासन र नैतिकताको सहर   

वि.सं.२०८१ जेठ १६ बुधवार २०:३८

गण्डकी, १६ जेठ : “पोखरालाई अनुशासन र नैतिकताको सहर बनाउनुपर्छ,...

स्वास्थ्य अवस्थाका कारण हाजिरी जमानीमा छुटे कैलाश सिरोहिया

स्वास्थ्य अवस्थाका कारण हाजिरी जमानीमा छुटे कैलाश सिरोहिया

वि.सं.२०८१ जेठ १६ बुधवार २०:२२

काठमाडौं । कान्तिपुर मिडिया ग्रुपका अध्यक्ष कैलाश सिरोहिया ९ दिनपछि...

विश्व कीर्तिमानी कायम गर्न कालापत्थरमा रेस्लिङ   

विश्व कीर्तिमानी कायम गर्न कालापत्थरमा रेस्लिङ   

वि.सं.२०८१ जेठ १६ बुधवार १८:३८

कालापत्थर (सोलुखुम्बु), १६ जेठः विश्वकै अग्लो स्थानमा रेस्लिङ खेलेर कीर्तिमानी...