काठमाण्डौं । भूकम्पबाट भत्किएको धरहरा पुनर्निमाणको लागि नेपाली सेनाले सवा ६ करोड रुपैयाँ सहयोग गरेको छ । स्वदेशी श्रम, पुँजीबाट धरहरा बनाउने भन्दै केपी ओली नेतृत्वको सरकारले सुरु गरेको ‘मेरो धरहरा मै बनाउँछु’ कोषमा आज नेपाली सेनाले ६ करोड १७ लाख रुपैयाँ जम्मा गरेको छ ।
नेपाली सेनाका प्रधानसेनापति राजेन्द्र क्षेत्रीले उक्त सहयोग रकम बापतको चेक बिहान प्रधानमन्त्री तथा पुनर्निमाण प्राधिकरणका अध्यक्ष पुष्पकमल दाहाललाई हस्तान्तरण गरेको सैनिक जनसम्पर्क निर्देशनालयले जानकारी दिएको छ।
राष्ट्रिय गौरवको सम्पदा भएकोले यसको पुनर्निमानमा नेपाली सेनाले आफ्नो दायित्व बोध गर्दै सहयोग गरेको सैनिक प्रवक्ता तारा बहादुर कार्कीले जानकारी दिए।
२२ कार्तिक २०७३, ४।३०
वि.सं.२०७३ कात्तिक २२ सोमवार १६:४३ मा प्रकाशित
