काठमाडौं । पर्यटन व्यावसायी एवं समाजसेवी अक्कल तामाङ अन्तर्राष्टियस्तरको अवार्ड ह्युमेनिटेरियन अवार्ड २०१६ बाट सम्मानित भएका छन् ।
अमेरिकाको लेजियन्स अफ मास्टर्स आर्ट अल अफ फेम नामक संस्थाले उनको सामाजिक कार्यको प्रशंसा गर्दै अक्टोबर २२ मा सम्मान गरेको हो । त्यस्तै उनलाई अक्टोबर ८ मा उत्कृष्ट स्वयमसेवकको भूमिका निर्वाह गरेबापत कोरियन फेडेरेशन अफ भोलेन्टियर सेन्टरले पनि भोलेन्टियर अफ दी इयर २०१६ बाट सम्मान गरेको छ । उक्त अमेरिकन संस्थाले १०८ जना प्रतिस्पर्धीमध्येबाट उत्कृष्ट सामाजिक कार्य गरेबापत सम्मान गरेको राजधानीमा पत्रकार सम्मेलन गरी जानकारी दिए ।
तामाङलाई प्रदान गरिएको यस्तो अवार्ड नेपालमै पहिलो हो । तामाङले नेपाल कोरिया कल्चरल एक्सचेञ्ज एण्ड सोसियल अर्गनाइजेसन स्थापना गरी सन् २०११ देखि १९ जना अनाथ, असहाय र गरिब बालबालिकालाई छात्रवृत्तिमा विभिन्न विद्यालयमा अध्ययन गराउनुका साथै मासिक २ हजार भत्तासमेत उपलव्ध गराउँदै आएका छन् । उनले आफ्नै सस्थामार्फत भुकम्पपीडितलाई २ करोड बराबरको राहत समाग्री उपलब्ध गराउनु साथै काभ्रेमा ३० वटा अस्थायी घर निर्माण गरी हस्तान्तरण गरेको जानकारीसमेत दिए । सन् २०१७ भित्र ३ सय ६५ वटा स्थायी घर बनाउने उनको योजना छ ।
प्रकाशित मितिः २०७३ कार्तिक २३
वि.सं.२०७३ कात्तिक २३ मंगलवार ०७:१० मा प्रकाशित
