काठमाडौं । अमेरिकी राष्ट्रिपति निर्वाचनको मतदान प्रकृयाको मत परिणाम पनि बाहिर आउन थालेको छ । दुई प्रत्त्यासीबीच कडा प्रतिस्पर्धाले परिणाम रोचक र अनुमान गर्ने नसक्ने अवस्थामा पुगेको छ । पछिल्लो पटक पुनः रिपब्लिकन डोनल्ड ट्रम्पले अग्रता लिएका छन् । पछिल्लो मत परिणाम अनुसार ट्रम्पको पक्षमा २४४ र डेमाक्रयाट हिलारी पक्षमा २०९ मा रोकिएकी छिन् । ट्रम्पलाई ह्वाइटहाउस प्रवेशका निम्ति जम्मा २६ मत आवश्यक देखिएको छ । रिपब्लिकन डोनल्ड ट्रम्पले र डेमोक्रयाट हिलरी क्लिन्टनबीचमा कडा प्रतिस्पर्धा रहेको भनिएको थियो । निर्वाचन परिणाम आउनेक्रम जारी छ । पछिल्लो पटक हिलारीले एकाएक अग्रता लिएकी थिइन् । केही समयको अन्तरालमा ट्रम्पले अग्रता लिए । मत परिणामले दुवै समर्थकको ढुकढुकी बढाएको छ । कडा प्रतिस्पर्धाका कारण परिणाम कस्को हातमा पर्ला भन्ने एकिन गर्न अझै गाह्रो भएको छ । यद्यपी विजयको नजिक ट्रम्पलाई देख्न सकिने पछिल्लो परिणामले देखाएको छ ।
२४ कात्तिक २०७३
वि.सं.२०७३ कात्तिक २४ बुधवार १०:३१ मा प्रकाशित
