काठमाडौ । ग्लोबल आइएमई बैंक लि, अन्य ४ वटा बैंकहरु र हुआनिङ्ग डेभलपमेन्ट प्रालिबीच ३६ मेगावाटको अप्पर बलेफी “ए” जलविद्युत्त आयोजना निर्माणका लागि सहवित्तियकरण ऋण सम्झौता सम्पन्न भएको छ । कुल ६.०८ अर्व लागत लाग्ने उक्त आयोजनाको कुल लागतमध्ये ४.३५ अर्ब रुपैयाँ बैंकहरुले ऋण प्रदान गर्नेछन् ।
ग्लोवल आइएमई बैंकको नेतृत्वमा सानीमा बैंक, एभरेष्ट बैंक, एसविआई बैंक र एनआईडिसि विकास बैंकले उक्त आयोजनाको लागि ऋण प्रदान गर्नेछन् ।
सिन्धुपाल्चोक जिल्लाको गोल्छे र गुम्वा गाविसमा अवस्थित उक्त आयोजनाको पावर हाउस गोल्छे गाविसमा निर्माण गरिनेछ । २०७५ साल माघ महिनासम्ममा निर्माण सम्पन्न गर्ने अपेक्षा सहित उक्त सम्झौतामा हस्ताक्षर गरिएको हो । उक्त आयोजनाबाट उत्पादित ३६ मेगावाट विजुली सोही जिल्लामा रहेको लामोसाँघु सवस्टेसन मार्फत राष्ट्रिय प्रसारण लाईनमा जोडिने बताईएको छ ।
प्रकाशित मितिः २०७३ कार्तिक २८
वि.सं.२०७३ कात्तिक २८ आइतवार १०:४० मा प्रकाशित
