काठमाण्डौँ । विश्वकै ठूलो दुई पाङ्ग्रे सवारी साधान उत्पादक हिरो मोटोकर्पका तीन नयाँ मोटरसाइकल नेपाली बजारमा बिक्री सुरु गरिएको छ । बिभिन्न वर्गका उपभोक्ता लक्षित गरी यी मोटरसाइकल ल्याएको कम्पनीले जनाएको छ।
नयाँ मोटरसाइलमा स्प्लेण्डर आइस्मार्ट ११०, न्यू अचिभर १५० र नयाँ सुपर स्प्लेण्डर १२५ रहेका छन्। स्प्लेण्डर आइस्मार्ट ११० भारतको जयपुर स्थित हिरोको सेण्टर अभ इनोभेसन टेक्नोलजीमा डिजाइन गरि बनाइएको पहिलो बाइक रहेको कम्पनीले जनाएको छ। यसले आफ्नो समूहमा सबैभन्दा दमदार काम गर्ने र इन्धन बचत गर्ने कम्पनीको दावी छ।
अचिभर १५० नयाँ बिएस–४ अनुसारको इन्जिन रहेको कम्पनीले जनाएको छ। यसमा हिरोको आफ्नो आविष्कार आइ थ्री एस प्रविधि यसमा जडित रहेको जनाइएको छ। आफ्नो श्रेणीमा उत्कृष्ठ कार्य सम्पादन र मितव्ययि तवरले इन्धन खपत गर्नु यो मोटरसाइकलको बिषेशता हो ।
१२५ सिसीको नयाँ सुपर स्पेल्नडरमा पनि आइ थ्री एस प्रविधि जडान गरिएको जनाइएको छ। यो प्रविधिको कारणले सुपर स्पेल्नडरले पुरानै शक्ति र कार्यक्षमता दिने जनाइएको छ। साथै मोटरसाइकलको बडीमा बिभिन्न रोमाञ्चक र आधुनिक आकृति रहेका छन्।
– ७ मंसिर २०७३, ११।००
वि.सं.२०७३ मंसिर ७ मंगलवार १२:०२ मा प्रकाशित
