काठमाण्डौं । केही समय अघि सर्वसाधारणमा प्राथमिक सेयर निष्काशन गरेका आरएसडिसी लघुवित्त तथा दिव्यश्वरी हाइड्रोले सेयर सम्बन्धि सबै काम गर्न बिक्री प्रबन्धक नियुक्त गरेका छन् ।
आरएसडिसी लघुवित्तले साधारण सेयर निष्काशनको जिम्मेवारी दिएको एनआईबिएल क्यापिटललाई नै बिक्री प्रबन्धकको जिम्मेवारी दिएको छ । अब आरएसडिसी लघुवित्तको सेयर हुने सबै लगानीकर्ताले उक्त सेयरसँग सम्बन्धित कामका लागि एनआईबिएल क्यापिटल लाजिम्पाटमा सम्पर्क गर्नु पर्ने हुन्छ ।
त्यसै गरी दिव्वश्वरी हाइड्रोले पनि साधारण सेयर निष्काशनको जिम्मेवारी दिएको एस क्यापिटललाई नै सेयर बिक्री प्रबन्धकको जिम्मेवारी दिएको छ । अब दिव्यश्वरी हाइड्रोको साधारण सेयर भएका लगानीकर्ताले सेयरसँग सम्बन्धित सबै प्रकृयाका लागि एस क्यापिटलको कार्यालय हात्तिसारमा सम्पर्क राख्नु पर्ने हुन्छ ।
९ मंसिर २०७३, १।३०
वि.सं.२०७३ मंसिर ९ बिहीवार १३:५७ मा प्रकाशित
