चितवन । रत्ननगर–१७ सौराहामा रहेको बाघमारा मध्यवर्ती सामुदायिक वन संरक्षण गरेकै कारण वार्षीक २ करोड २७ लाख २७ हजार रुपैयाँ आम्दानी गर्न सफल भएको छ ।
वन संरक्षण स्थानीय सहभागिता बढेसँगै भूकम्प र नाकावन्दीका बाबजुत वनले पर्या–पर्यटनबाटै सो आम्दानी गर्न सफल भएको हो ।
पनमा वर्षभरमा १ लाख भन्दा बढी पर्यटकले हात्ती सफारी, डुगां सफारी, भ्यू टावर नाईटसहितका पर्यटकिय गतिविधिमा सामेल भएका कारण उक्त आम्दानी गरेको वन समितिका अध्यक्ष विपि चौधरीले बताए । ‘हामीले पर्या–पर्यटनबाटै राम्रो आम्दानी गर्दै आएका छौं’, वनका अध्यक्ष बीपी चौधरीले भने, ‘वार्षिक आम्दानी २ करोडबाट माथि नै छ ।’
सौराहा आउने पर्यटकलाई हात्ती सफारी गराएरै सो सामुदायिक वनले वार्षिक रू। ७७ लाख ४४ हजार, डुगां सयरबाट रु।५३ लाख २४ हजार र पर्यटक शुल्कबाट ६२ लाख ९२ हजार आम्दानी गर्न सफल भएको वन समुहका कोषाध्यक्ष टिकाराज खनाल ९धुव्र०ले आफ्नो जानकारी गराए ।
उनले घाँसे मैदान व्यवस्थापन र झाँडी सफाई भएपछि गैडा, बाघ, भालु,सगैँ चराचुरीङ्ग सजिलै देख्न पाईने बताए । जसमध्ये ६० प्रतिशत विदेशी, १० प्रतिशत सार्क मुलुकका छन् भने ३० प्रतिशत हिस्सा नेपाली पर्यटकहरु वनमा वन वन्यजन्तु जौविक विविधताका लागि आएको उनले बताए ।
१२ मंसिर २०७३, अनलाईनखबर, १०।००
वि.सं.२०७३ मंसिर १२ आइतवार १०:५९ मा प्रकाशित
