काठमाडौ । नेपाल स्टक एक्सचेन्जम मंगलबार धेरै नै उत्तार चढाव देखियो । अन्त्यमा नेप्से ४३ अंकले सुधारिंदा केहि आत्तिएका लगानीकर्तालाई आशा जगाएको छ । त्यस्तै कारोबार रकम पनि एक अर्ब १९ करोड नाघ्यो । यसले पनि लगानीकर्तालाइृ आशा जगायो । बजारमा यतिबेला सेयरका बारेमा भईरहेका हल्ला र नेप्सेले नै लगानीकर्तालाई हतोत्साही नहुन गरेको आग्रहपछि बजार उक्तार चढावकै बीच रहेको विष्लेषकहरु बताउँछन् । सोमबारको सेयर।को कारोबारले नै बजार स्थिर भइहाल्यो भन्ने अवस्था भने छैन ।
मंगलबार नेप्से ४३.५२ अंकले बढेर १५५३.६८ विन्दुमा पुगेको छ । कारोबार सुरु भएको आधा घण्टा नपुग्दै ४० अंकले झरेको बजारमा नाटकीय सुधार हुँदै बजार बन्द हुने समयसम्म ४३ अंकले बढेको हो ।
कारोबारमा आएका उत्पादन बाहेक सबै समूहमा सुधार आएपछि बजार उकालो लागेको हो । यसदिन जलविद्युत,वाणिज्य बैंक, बीमा लगायतका समूहमा उच्च सुधार देखिएको छ ।
१३१ कम्पनीको सेयर किनबेच भएको बजारमा एक अर्ब करोड १९ करोड रुपैयाँ बराबरको कारोबार भयो । यसदिन पनि एभरेष्ट बैंकको सबैभन्दा धेरै १५ करोड ३५ लाख रुपैयाँ बराबरको सेयर किनबेच भएको छ । बिओकेएलले करिब ६ करोड तथा शिखर इन्स्योरेन्स, नेपाल लाइफ, सिद्धार्थ बैंक, लाइफ इन्सयोरेन्स र लुम्बिनी जनरल इन्स्योरेन्स, एसबिआई बैंकले पनि चार करोड बढीको कारोबार गरेका छन् ।
प्रकाशित मितिः २०७३ मंसिर १४
वि.सं.२०७३ मंसिर १४ मंगलवार १५:४५ मा प्रकाशित
