काठमाण्डौं । केही समय अघि जारी भएको सर्वसाधारण समूहको अवितरित सेयर लक्ष्मी लघुवित्त वित्तीय संस्थाले १५ हजार ९ सय ३ कित्ता सेयर लिलामी गर्ने भएको छ । कम्पनीले लिलाम बढाबढगरी बिक्रीका लागि सूचना जारी गरेको छ ।
लक्ष्मी लघुवित्तले गत असोज १४ देखि कात्तिक २३ गतेसम्म एक सय रुपैयाँ अंकित मूल्यको ११ लाख कित्ता हकप्रद सेयर निष्कासन गरेको थियो । कम्पनीले उक्त अवधिमा हकप्रदमा बिक्री नभएको सेयर लिलाम बढाबढका आधारमा बेच्न लागेको हो ।
इच्छुक लगानकर्ताले पुस ६ गते देखि लिलामीको सेयरका लागि पुस १२ गते सम्म आवेदन दिन पाउनेछन् । न्यूनतम एक सय रूपैयाँ मूल्य तोकी त्यसभन्दा बढी मूल्य तोकेर निवेदन दिनुपर्नेछ ।
लक्ष्मीको सेयरबजारमा प्रतिकित्ता सेयर एक हजार एक सय पचहत्तर रुपैयाँको हाराहारीमा कारोबार भईरहेको छ । यसको बिक्री प्रबन्धक एनएमबी क्यापिटल लिमिटेड रहेको छ ।
२१ मंसिर २०७३, १०।३०
वि.सं.२०७३ मंसिर २१ मंगलवार १७:४२ मा प्रकाशित
