काठमाण्डौं । देवः विकास बैंकले आफ्ना सेयरधनीलाई १४ प्रतिशत बोनस सेयर वितरण गर्ने प्रस्ताव गरेको छ । सञ्चालक समितिले गरेको यस प्रस्तावलाई राष्ट्र बैंकले स्वीकृत गरे पछि आगामी साधारण सभा मार्फत बैंकले यो प्रस्ताव पारित गर्ने छ ।
गत आर्थिक वर्षमा बैंकले १३ करोड ६५ लाख रुपैंया खुद नाफा कमाएको थियो । अहिले बैंकको चुक्ता पूँजी ८८ करोड १० लाख रुपैंया रहेको छ । देव बिकास बैंकले चालु आर्थिक बर्षको पहिलो त्रैमास अर्थात असोज मसान्तसम्ममा पाँच करोड ६ लाख रुपैयाँ नाफा कमाएको छ ।
साथै बैंकले राष्ट्र बैंकले तोकेको पूँजी पुर्याउनका लागि ५० प्रतिशत हकप्रद निष्काशन गर्नका लागि धितोपत्र बोर्डबाट स्वीकृति समेत पाईसकेको छ । बैंकको गत साउन २८ गते सम्पन्न विशेष साधारण सभाले ५० प्रतिशत हकप्रद पारित गरेको थियो ।
२६ मंसिर २०७३, २।००
वि.सं.२०७३ मंसिर २६ आइतवार १९:४० मा प्रकाशित
