काठमाण्डौं । २५ प्रतिशत हकप्रद निष्काशन गरेको युनाइटेड फाइनान्सले हकप्रदमा बिक्री नभएको १८ हजार २ सय ५३ कित्ता सेयर लिलाम गरी बेच्ने भएको छ । फाइनान्सले पुस ११ देखि सेयर लिलाम सुरु गर्दैछ ।
लिलाममा राखिएको यो सेयर बोलकबोलबाट किन्न चाहने लगानीकर्ताले फाइनान्सको प्रधान कार्यालय आइ जे प्लाजा दरबारमार्गमा सम्पर्क राख्नु पर्ने हुन्छ । न्युनतम १ सय कित्ताका लागि कम्तीमा एक सय रुपैंयाका दरले आफुले किन्न चाहेको सेयरको रकम लगानीकर्ताले फाइनान्सले उपलब्ध गराएको खाता न ९९९ ४ं१० ००० ४५८ २१० ००० ०१ मा जम्मा गरी भौचर राखेर आवेदन दिन सक्नेछन् । फाइनान्सले बोलकबोलको आवेदन पुस २५ गते कार्यालय समयसम्ममा संकलन गरी पुस २६ गते दिउँसो ३ बजे उक्त बोलकबोल खोल्दैछ ।
हिजो आइतबार फाइनान्सको प्रतिकित्ता सेयर मूल्य दुई सय ८६ रुपैंया कायम भएको छ ।
४ पुस २०७३, १२।१५
वि.सं.२०७३ पुस ४ सोमवार १२:३४ मा प्रकाशित
