काठमाण्डौं । कञ्चन डेभलपमेण्ट बैंकको सातौ बार्षिक साधारणसभाले २५ प्रतिशत बोनस वितरणको प्रस्ताव पारित गरेको छ । साथै बैंकले ३० प्रतिशत हकप्रद बिक्रीको प्रस्ताव पनि साधारणसभाबाट अनुमोदन गराएको छ ।
बैंकले गत आर्थिक बर्षको कमाइबाट २५ प्रतिशत बोनस तथा कर प्रयोजनका लागि १.३२ प्रतिशत नगद लाभांश वितरणको गर्ने प्रस्ताव गरेको थियो ।
हाल बैंकको चूक्तापूँजि १९ करोड ८० लाख रुपैयाँ रहेको छ । जसमा २५ प्रतिशत बोनसपछि बैंकको पूँजी ४ करोड ९५ लाख रुपैयाँ थपिने छ । साथै बैंकले ३४ करोड ६५ लाखको ३० प्रतिशत हकप्रद निष्काशन गर्ने प्रस्ताव पनि सातौ साधारणसभा बाट पारित गराएको छ । यो हकप्रद बिक्री पछि बैंकको पूँजी ४५ करोड ४ लाख ५० हजार पुग्नेछ ।
११ पुस २०७३, ११।००
वि.सं.२०७३ पुस ११ सोमवार ११:५२ मा प्रकाशित
