काठमाण्डौं । सगरमाथा फाइनान्स लिमिटेडले ८० प्रतिशत अर्थात १० बराबर ८ कित्ताको दरले हकप्रद सेयरको बिक्री खुला गरेको छ । कम्पनीले एक सय रुपैयाँ अंकित दरका २९ करोड ५४ लाख रुपैयाँ बराबरको २९ लाख ५४ हजार ३९० कित्ता शेयर निष्काशन खुला गरेको हो ।
सेयरधनीले फाइनान्सको हकप्रदका लागि पुस ११ गतेदेखि माघ १७ गतेसम्म आवेदन दिन सक्ने छन् । फाइनान्सले हकप्रद निष्काशनका लागि गत मंसिर २४ गते सेयरधनी दर्ता पुस्तिका बन्द गरेको थियो । मंसिर २३ गतेसम्ममा फाइनान्सको सेयर किनेका लगानीकर्ताले उक्त हकप्रद भर्न पाउँछन् ।
फाइनान्सको सेयर निष्काशन तथा बिक्री प्रबन्धक एनआईबिएल क्यापिटल रहेको छ । लगानीकर्ताले क्यापिटलका साथै फाइनान्सका सबै शाखाहरुबाट हकप्रदमा आवेदन गर्न सक्नेछन् ।
१२ पुस २०७३, ८।००
वि.सं.२०७३ पुस १२ मंगलवार ०९:०० मा प्रकाशित
