विराटनगर। सूचना तथा सञ्चारमन्त्री सुरेन्दकुमार कार्कीले आउँदो जेठ महिनामा निर्वाचन हुने बताएका छन् । विराटनगर विमानस्थलमा सञ्चारकर्मीसँगको कुरा गर्दै सरकारका प्रवक्ता मन्त्री कार्कीले दलहरुबीच आपसी सहमति भएपछि मिति तोकिने जानकारी दिए ।
मुलुकको संविधान प्रजातान्त्रिक र प्रगतिशील रहेको बताउँदै उनले मधेसको माग एकै पटकमा पूरा हुन नसक्ने स्पष्ट पारे । स्थानीय निकायको निर्वाचन तहगत आधारमा हुने कि नहुने भन्ने पत्रकारको जिज्ञासामा प्रवक्ता कार्कीले निर्वाचन हुनु आवश्यक रहेको र स्थानीय तहलाई सबैभन्दा शक्तिशाली बनाइएको बताए ।
प्रकाशित मितिः २०७३ माघ २
वि.सं.२०७३ माघ २ आइतवार १३:३५ मा प्रकाशित
