काठमाण्डौं । नबिल ईन्भेष्टमेन्ट बैंकिंग लिमिटेडले ल्याएको सामुहिक लगानी कोष नबिल ईक्वीटी फण्डको १२ करोड ५० लाख ईकाई नेप्सेमा सोमबार सुचिकृत भएको छ ।
सेयर बजारमै लगानी गर्ने मुख्य उदेश्य सहित क्यापिटलले एक अर्ब रुपैयाँ मुल्य बराबरको योजना नबिल ईक्वीटी फण्ड सार्वजनिक गरेको थियो । तर माग बढि भएपछि कोषको आकार २५ प्रतिशतले बढेको थियो । ईकाईको गत असोज २ गतेदेखि ६ गतेसम्म निष्काशन खुला भएको थियो ।
फण्डको कारोबार सुचिकृत भएको मितिले एक सातापछि खुल्ने प्राबधान अनुरुप अर्को साता नेपाल स्टक एक्सचेञ्जमा खुल्नेछ । नबिल इक्वीटी फण्ड एक अर्ब २५ करोड रुपैंयाँको सात बर्षे अवधिका लागि नबिल ईन्भेष्टमेन्ट बैंकिङले व्यवस्थापन गरेको म्युचुअल फण्ड हो ।
११ माघ २०७३, ११।००
वि.सं.२०७३ माघ ११ मंगलवार १२:२२ मा प्रकाशित