काठमाण्डौं । नेपाल राष्ट्र बैंकले सुन आयातको अहिलेको व्यवस्थालाई परिमार्जन गरेको छ । हिजो मंगलबार चालु आर्थिक वर्षको मौद्रिक नीतिको अर्धवार्षिक समिक्षाबाट बैंकले दैनिक आयात हुने सुनको मात्रा बढाएको हो ।
अहिले दैनिक १५ किलो सुन आयात हुँदै आएकोमा फागुन महिना भरी दैनिक २५ किलो सुन आयात गर्ने व्यवस्था राष्ट्र बैंकले गरेको छ । अब २० दिनसम्म दैनिक २५ किलो सुन नेपाल भित्रिने छ । फागुन महिना पछि भने दैनिक २० किलो मात्र सुन आयात गर्न पाउने व्यवस्था राष्ट्र बैंकले गरेको छ ।
राष्ट्र बैंकले भनेको छ, ‘सुन आयात सम्बन्धी व्यवस्थालाई थप सहज तथा प्रभावकारी बनाउन “सुन आयात तथा बिक्री वितरण कार्यविधि, २०६८” मा संशोधन गरी १०० ग्राम, २०० ग्राम, ५०० ग्राम तथा १ किलोग्राम परिमाणका सुन आयात गर्न सकिने व्यवस्था कार्यान्वयनमा ल्याइएको छ । त्यसैगरी, दैनिक १५ किलोग्रामसम्म सुन आयात गर्न सकिने सीमामा वृद्धि गरी २०७३ फागुन मसान्तसम्म दैनिक २५ किलोग्रामसम्म र तत्पश्चात्दैनिक २० किलोग्रामसम्म आयात गर्न सकिने व्यवस्था मिलाइएको छ ।’
११ फागुन २०७३, ११।००
वि.सं.२०७३ फागुन ११ बुधवार १३:२३ मा प्रकाशित
