काठमाण्डौं । नेपालल हेभी इक्विपमेन्ट महासंघका अनुसार पूर्वाधार निर्माणमा आवश्यक डोजर,रोलर,ब्याकहो लोडर,स्काभेटर लगायतका सवारी साधनको चालक (ड्राइभर) नै पाइदैन। महासंघका अनुसार करिब ६ हजार चालक आवश्यक छ ।
चालक अभाव भएपछि महासंघले तालिम सेन्टर स्थापना गरेर जनशक्ति उत्पादनको पहल गरेपनि चालक अनुमति पत्र पाउन नसकेपछि जनशक्ति अभाव भएको हो । । चालक अनुमतिपत्रको प्रावधान कडा भएकोले पनि ड्राइभर पाउन गाह्रो भएको महासंघका कोषाध्यक्ष सुरेश खत्री बताउँछन् । हेभी इक्विपमेन्टको लाइसेन्स लिन साना सवारी साधनको लाइसेन्स लिएको दुर्इ वर्ष पूरा गरेको हुनुपर्ने प्रावधान छ।दुर्इ वर्ष पूरा भएपछि हेभी इक्विपमेन्ट चलाउने तालिम लिएपछि मात्रै लाइसेन्स लिन योग्य हुने प्रावधान चालक अनुमति पत्र सम्वन्धी ऐनमा उल्लेख छ। ऐनमा भएको यही प्रावधानका संशोधनका लागि व्यवसायी आएको बताउँदै ऐन संशोधनको प्रकिया अघि बढेको यातायात व्यवस्था विभागका महानिर्देशक रुपनारायण भट्टराइले बताए।
हेभि इक्विपमेन्ट चलाउने चालकले मासिक ५० हजार रुपैयाँदेखि एक लाख रुपैयाँसम्म कमाउँछन्। मुलुकभित्र अहिले दुर्इ हजार यस्ता सवारी साधन चलाउने चालकले लाइसेन्स पाएका छन्। लाइसेन्स पाएका पनि विदेशमा रोजगारीमा जाँदा थप समस्या भएको छ ।
२२ चैत २०७३, बिजमाण्डुको सहयोगमा, ७।००
वि.सं.२०७३ चैत २२ मंगलवार ०८:२९ मा प्रकाशित