काठमाडौ। साताको अन्तिम दिन बिहिबार नेप्से परिसुचक सामान्य ओरालो लागेको छ ।
बिहीबार बजार खुलेको केही समय २० अंकभन्दा बढीले उकालो लागेको बजार अन्तमा ३ दशमलव ६८ अंकले घट्न पुगेको छ । जसमा बैंक फाइनान्सलगायतका समूहहरु बढी ओरालो लागेका छन् । तर, ती समुहका परिसुचक पनि १० अंकभन्दा कमले घटेका छन् । बजारमा बीमा, होटल र अन्य समुहका परिसुचक भने उकालो लागेका छन् ।
बजारमा दिनभर कुल १ सय ४३ कम्पनीको सेयर कारोवार भएको छ । ती कम्पनीको १ अर्ब ३८ करोड ९२ लाख रुपैयाँ बरावरको १८ लाख १७ हजार २४५ कित्ता सेयर खरिदविक्री भएका छन् । जसमा प्रभु बैंकको सबैभन्दा ८ करोड रुपैयाँ बरावरको सेयर कारोवार भएको छ । यसैगरी आजैमात्र आफ्नो हकप्रद जारीको संरचना परिवर्तन गरेको नेशनल लाईफ इन्स्योरेन्सको पनि प्रतिकित्ता ९० रुपैयाँले बढ्दै ७ करोड ७६ लाख रुपैयाँको सेयर खरिदविक्री भएको छ ।
चुनावी माहौलका कारण सेयर बजारमा उत्तारचढाव जारी रहेको लगानीकर्ताहरु बताउँछन् ।
प्रकाशित मितिः २०७३ बैशाख ७
वि.सं.२०७४ वैशाख ७ बिहीवार १५:३९ मा प्रकाशित
