काठमाडौं । नेपाल मलेसियामा जारी यू–१९ इस्टर्न रिजन क्रिकेट छनौट प्रतियोगिताको फाइनलमा प्रवेश गरेको छ । मलेसियालाई १० विकेटले हराउँदै नेपाल फाइनलमा प्रवेश गरेको हो ।
मलेसियाले दिएको १२२ रनको लक्ष्य नेपालले २३।१ ओभरमा विना विकेटको क्षतिमा भेट्टायो ।यसअघि टस हारेर पहिलो ब्याटिङ गरेको मलेसियाले ४२ ओभरमा मात्र १२१ रन बनाएर अलआउट भएको थियो ।
मलेसियालाई सस्तैमा समेट्न नेपालका कप्तान दिपेन्द्रसिंह ऐरी नायक बने । उनले ५ विकेट लिए भने पवन सर्राफले २ , रोहितकुमार पौडेल, साहव आलम र सन्दिप लामिछानेले १–१ विकेट लिए ।
नेपालले अब उपाधिका लागि सिंगापुर र हङकङ मध्ये एक टीमसंग खेल्नेछ ।
प्रकाशित मितिः२०७४ भाद्र ३१
वि.सं.२०७४ भदौ ३१ शनिवार १२:३४ मा प्रकाशित