काठमाडौ । प्रुडेन्सियल इन्स्योरेन्स को १२ हजार ५ सय ३ कित्ता सेयर लिलामी हुने भएको छ । कम्पनीको गत पुसमा आएको ३० प्रतिशत हकप्रदमा नबिकेको सेयर यही फगुन २८ गतेदेखी सर्वसाधारणका लागि लिलामी गर्न लागेको हो ।
एनआईसी एशिया क्यापिटल मार्फत लिलामीमा जाने सेयरमा फगुन २ड गतेदेखी चैत्र ५ गतेसम्म आवेदन दिन सकिनेछ । आवेदकले न्युनतम १०० कित्ता वा सो भन्दा बढीका लागि १ सय रुपैँया भन्दा बढीको मूल्यमा आवेदन दिन सक्नेछन् ।
दोस्रो बजारमा ६ सय ७० रुपैँया सेयर मूल्यमा कारोबार भईरहेको कम्पनीले गत पुष १६ गतेदेखि माघ २१ गतेसम्म १० बराबर ३ अनुपातमा एक सय रूपैयाँ अंकित दरको १२ लाख ८३ हजार कित्ता हकप्रद सेयरको बिक्री खुला गरेको थियो ।
चालु आवको प्रथम त्रैमासमा कम्पनीले दुई करोड ५२ लाख खुद नाफा कमाएको छ ।
२०७४ फागुन २२ गते प्रकाशित ।
वि.सं.२०७४ फागुन २२ मंगलवार ०९:३२ मा प्रकाशित
