काठमाडौ । आरम्भ माइक्रोफाइनान्को २ लाख ९४ हजार कित्ता आइपिओमा १ करोड २१ लाख कित्ताको लागि आवेदन परेको छ । माइक्रोफाइनान्सले फागुन २१ गतेसम्म निष्काशन गरेको साधारण सेयरमा ७ गुणा बढी आवेदकले माग गरेका छन् ।
कुल एक लाख ८९ हजार जनाले एक अर्ब २१ करोड रुपैयाँको सेयर माग भएकामा धितोपत्र बोर्डको नयाँ व्यवस्था अनुसार गोलाप्रथाबाट १० कित्ता बाँडफाँड गर्दा २७ हजार ४८ जनाले सेयर प्राप्त गर्नेछन् ।
लघुवित्तको आईपिओमा आवेदन गर्ने बाँकी एक लाख ६१ हजार जनाको हात भने खाली हुनेछ । माइक्रोफाइनान्सले जारी पूँजीको ४९ प्रतिशत (२ लाख ९४ हजार कित्ता) आईपिओ निष्काशन गरेको हो ।
माइक्रोफाइनान्सले ८ हजार ८२० कित्ता सेयर कर्मचारी र १४ हजार ७०० कित्ता म्युचुअल फण्डलाई छुट्याएर बाँकी २ लाख ७० हजार ४८० कित्ता सेयर २७ हजार ४८ जना सर्वसाधारणलाई गोलाप्रथाबाट बाँडफाँड गर्नेछ ।
सिन्धुपाल्चोक जिल्लामा केन्द्रीय कार्यालय रहेर पन्ध्र पहाडी जिल्लामा वित्तीय सेवा प्रदान गर्दे आइरहेको आरम्भको आइपिओ बिक्रीपछि चुक्ता पूँजी ६ करोड रुपैयाँ पुग्नेछ ।
२०७४ फागुन २२ गते प्रकाशित ।
वि.सं.२०७४ फागुन २२ मंगलवार २१:४० मा प्रकाशित
